མོག་མོག་གི་ཟླ་ངོགས་སུ།
གསལ་ལ་མི་གསལ་བའི་དུ་བ་འཇིགས་རིང་དེ།
མཚན་མོའི་བསིལ་རླུང་དང་ལག་ལྡིང་བྱ་བཞིན་ཁེར་རྐྱང་གི་འཚོ་བའི་མིག་གི་དཔལ་དུ་མངོན།
གངས་རི་དཀར་པོ་མངོན་མདངས་དེ་ག་ལེར་ནགས་ཚལ་གསེབ་ནས་མངོན་པ་མཐོང་བས།
ཁ་བའི་ལྗོངས་ཀྱི་ཨ་མ་སྒྲོལ་མ་ལགས་ཡིན་པའི་དགའ་ཚོར་བྱུང་ཡང་འདི་ནི་ནུབ་ཕྱོགས་གླིང་གི་གཙུག་རྒྱན་ཞིག་ཡིན་པ་གཞི་ནས་ཚོར།
ཀྱེ་མ།
ཁྱེད་དང་ཁ་བྲལ་ནས་ལོ་ངོ་དུ་མང་སོང་ཡང་།
ཁྱེད་དང་མཇལ་པའི་རེ་བ་ནི་དབེན།
ཡིན་ཡང་ཁྱེད་ནི་ངའི་སྙིང་ཁོར་རུས་པའི་སྟེང་དུ་རྡོ་ལ་རི་མོ་བརྐོས་པ་བཞིན་ཡལ་ཐབས་མེད།
དུས་ནམ་ཡིན་ཡང་། གནས་གང་སོང་ཀྱང་ཁྱེད་ནི་ནང་ཡང་བརྗེད་ཐབས་མེད།
ངའི་སེམས་ནས་དགའ་བའི་ཨ་མ་སྒྲོལ་མ་ལགས།
No comments:
Post a Comment