འཛིན་གྲྭ་དྲུག་པ་ཚོའི་ནང་ལས།
ནོར་གཅིན་བཏང་བ།
ཨ་ཁུ་སྟོན་པ་རྒྱལ་པོའི་ཕོ་བྲང་དུ་གཡོག་པོར་བཀོལ་ནས་ལོ་གཉིས་ཙམ་ཕྱིན་ཡོད་ཀྱང་།
ཁོ་པའི་བསམ་པར་དུས་རབས་གཅིག་ཙམ་བསྡད་པའི་སྣང་བ་འཆར་གྱི་ཡོད་པ་རེད།
དེ་ལོའི་ལོ་གསར་གོང་ལ་ཨ་ཁུ་སྟོན་པ་དགོངས་པ་ཞུས་ནས་ཁྱིམ་ལ་འཁོར་ཞག་ཕྱིན་པ་རེད།
འོན་ཀྱང་ཕ་ཡུལ་གྱི་རྣམ་པ་ནི་སྔར་བས་ཉམ་ཐག་ཅིང་ཡིད་སྐྱོ་བར་གྱུར་ཡོད།
དེ་སྔ་ཡུལ་མི་ཚོའི་གདོང་ལས་འཆར་བའི་སྤྲོ་སྣང་ཡལ་ཞིང་།
གླུ་སྒྲ་ཡང་སྡུག་བསྔལ་གྱི་གཏམ་བཤད་དང་སྨྲེ་སྔགས་སུ་གྱུར་ཡོད།
ཨ་ཁུ་སྟོན་པས་ཡིད་སྐྱོ་བའི་ངང་གྲོང་ཚོའི་ནང་དུ་སྐྱོད་དུས།
ཡུལ་མི་ཚོས་ཡུན་རིང་རེ་སྒུག་བྱས་པའི་མིག་མདའ་འཕང་བཞིན་ཁོང་གི་ཕྱོགས་སུ་འདུས་ཡོང་།
གདོང་གཤིས་སྐྱོ་ལ་ལུས་རིད་པའི་ཡུལ་མི་ཚོ་མཐོང་དུས།
ཨ་ཁུ་སེམས་གཏུང་ནས་སྐྱོ་དེ་ གནས་ཚུལ་ག་རེ་ལྷག་སོང་་་ཞེས་དྲིས།
ཁྱེད་ཕྱིན་རྗེས་ཀྱི་ལོ་ཤས་ནང་ང་ཚོ་དམྱལ་བའི་ནང་དུ་འཚོ་བ་སྐྱེལ་དགོས་བྱུང་།
་་ཞེས་བགྲེས་སོང་ཞིག་གིས་ཐོག་མ་ཁ་གྲག
དེ་རྗེས་ཚང་མས་སྡུག་བསྔལ་བགྲང་འགོ་ཚུགས།
ད་བྱེད་དུས་མངའ་བདག་གི་གཉའ་གནོན་དང་།
སྡེ་དཔོན་གྱི་ཁྲིམས་འགལ་སྤྱོད་ལོག་ རྒྱལ་པོའི་བཙན་འཕྲོག་སོགས་བྱས་རྐྱེན་གྱིས་མི་རྣམས་ད་ཆ་ཟས་གོས་གཉིས་མེད་ཀྱི་འཆི་ཁའི་གནས་སུ་ལྷུངས་ཡོད།
ཁོ་ཚོའི་སྡུག་བསྔལ་ཉན་རྗེས། ཨ་ཁུ་སྟོན་པ་དབང་སྒྱུར་པར་འཁོན་སེམས་དྲག་པོ་སྐྱེས་ཏེ།
རང་གི་སྤུན་ཟླ་རྣམས་སྡུག་བསྔལ་གྱི་རྒྱ་མཚོ་ལས་བསྐྱབ་རྒྱུའི་སེམས་ཐག་བཅད།
མུ་མཐུད་ནས་་་་་་།
དྲི་བ།
སྒྲུང་ཐུང་འདི་ཀློག་རྗེས།
རང་གི་མྱོང་ཚོ་ཐུང་ཐུང་ཞིག་འབྲི་རོགས་གནང་།
TFL
Please write down following article-About Buddhism
ནང་པའི་ཆོས་ཀྱི་སྒོ།
སངས་རྒྱས་དང་། ཆོས།
དགེ་འདུན་གསུམ་ལ་དཀོན་མཆོག་གསུམ་ཞུ་བ་རེད།
དཀོན་མཆོག་ལ་ཡིད་ཆེས་དང་། དད་པ་བྱེད་དགོས།
དཀོན་མཆོག་ལ་དད་པ་བྱས་ནས་སྡིག་པ་སྤངས་ན་སྐྱིད་པོ་ཡོང་གི་རེད།
དཀོན་མཆོག་གསུམ་ལ་དད་པ་བྱེད་མཁན་ཚོར་ནང་པ་ཟེར་བ་རེད།
རྒྱུན་དུ་གནོད་སེམས་སྤངས་ནས་སེམས་པ་བཟང་པོ་བྱེད་དགོས།
གཞན་ལ་སྙིང་རྗེ་དང་།
ཕན་སེམས་བྱེད་མཁན་ཚོ་ལ་ཆོས་པ་ཟེར་བ་རེད།
གཞན་ལ་གནོད་བྱས་ན་སྡིག་པ་ཡོང་གི་རེད།
སེམས་པ་བཟང་པོ་བྱེད་པ་ནི་ཆོས་ཀྱི་རྩ་བ་རེད།
ནང་པའི་ཆོས་ནི་སངས་རྒྱས་ཀྱི་བསྟན་པ་རེད།
བོད་དུ་ཆོས་སྤེལ་མཁན་ལ་བླ་མ་ཞུ་བ་རེད།
No comments:
Post a Comment